سافر المحبوب ما ترك خلفه سوى الهـم
يـا درب محبوبـي سرمـديٍ مقـشـره
سافر وهـو موجـود حولـي ولا اهتـم
سافر عـن الخافـق وماتركنـي أعـذره
كانـت لـي الخالـه وكانـت لـي الأم
ويـا حبـل الفـراق شصغيـر ومكبـره
الله علـى الدنيـا تـفـرق بـعـد لــم
توئد العشـاق بشـيٍ اسمـه ( مقبـره )
العشـق والله لـو دثرنـاه فـلا انــدم
نـاره كمـا جمـر الغضـا متجـمـره
تحرق شراييـن القلـب وتحمّـي الـدم
وتدلق على الصفحـات حبـر المحبـره
ما شفـت عشـقٍ مثـل عشقـي بهالكـم
أثقـل مـن جبـال الأرض المسـطـره
وأغزر مـن النهـر وأوسـع مـن اليـم
وأقوى مـن عـروس النخـل المعمـره
ما شفـت حسـنٍ مـن حسنهـا بالرحـم
هـي فرريـده بحسنـهـا كالجـوهـره
الريـاح تشمهـا ... أو هــي التـشـم
لـو تـدوس الصبـخ تقلـب مـزهـره
لـو تمـر بـدرب بـه الظلمـه تـعـم
والله إن وجــه الحبـيـب يـنــوره
ولو تمسك بيدها .. كاسـاتٍ مـن السـم
الله أعـلـم كــم واحــد يـقـعـره
خل ياصلك يا خال و إسمعنـي يـا عـم
إن مـا حصلتلـي كـل دمعـي بأنثـره
اليـوم بأبكـي وأسبـح بدمعـي وأحتـم
وأغرق بدمعي ولا أحدٍ يجـازف يعبـره
العشـق يـا خـالـي شــيٍ محـتـم
لابـد كـل عاشـق يـذوق المـرمـره
وش ذنب عاشق عظمـه طـريٍ مهشـم
يجرع مـن كـؤوس الألـم مـا يذعـره
بكـره تقـول إنــه نـسـى ويتعـلـم
قـل وش تعلـم غيـر خـوفٍ يشعـره
ليه العشق صامـت ولساننـا مـا تكلـم
ضاعـت أيــام الشـعـر والثـرثـره
وأقبلـت أيـام فيهـا أنجـرح واّّتعـألـم
وأهمل دموعي كما طفلٍ صغيرٍ... أو مره
الله يكـون بعـون طفـلٍ قــد تيـتـم
وأصبح أسيـرٍ فـي ظـلام ( المقبـره )
يخشـى النكسـه ويخـاف إنـه يتـقـدم
ويخـاف ياقـف فـي مكـانٍ يحـقـره
وش تنصحونـه يالنشامـى هـل العلـم
طفلٍ جهل درب العشق ... محـد أنـذره
